Images මුතියංගණ සෑ වන්දනාව_muthiyangana se wandana

හිරුගොත් වංශයෙන් වැඩි කෙලෙස් හුල් නැතියාණෙනි,රාජාභිරාජ වූ ගෞතම ශාක්‍ය මුණීන්ද්‍රයන් වහන්ස,
ඔබ වහන්සේ සාරිපුත්ත මොග්ගල්ලාන ඇතුළු පන්සියයක් මහරහතන් වහන්සේලා පිරිවරා ඌව වෙල්ලස්ස පූණ්‍ය භූමිය දෙවන වරටත්,
උතුම් වෙසක් පුන් පොහෝ දින,මහපුරිස ලකුණින් විරාජමාණ වූ ඔබ වහන්සේගේ පා පියුම් පහසින් පාරිශුද්ධත්වයට කොට නිරොධ සමාපත්ති සුවයෙන් වැඩ සිටි භූමියේ පිහිටි,
මුතියංගණ සෑ රදුනේ...........ඔබ වහන්සේට මාගේ නමස්කාරය වෙවා!!!!!
එය සිහි කරමින්
ඔබ වහන්සේගේ ශ්‍රාවක දරුවෝ, ඔබ වහන්සේගේ දාඩිය මුතු බවට පත් කර ලබා දුන් මුක්තක ධාතූන් වහන්සේත්,කේෂ ධාතූන් වහන්සේලාත් වැඩ සිටින මුතියංගණ සෑ රදුන්ව සුවද පැණින් නහවා සුදු නෙළුමින් පුද දුන් වගයි.෴

සන්සුන් සිත් අපහට ඇති වෙන්ටයි
කන්කළු ලෙස බුදු ගුණ පවසන්නයි
රන්වන් රුස් සැයෙන් විහිදෙන්නයි
මුතියංගණ සෑයේ වරුණ අසන්ටයි

බුදු කරුණාවෙන් දෑස තෙමෙන්නේ
මුදු කෝමල සිරි පතුල් තබන්නේ
සුදු බුදු රැස් සිරසින් විහිදෙන්නේ
වෙසක් දිනේ බුදු සමිදු වඩින්නේ

රන්කොත බබළනවා නිල් අහසේ
පින්වතුනේ දැක ගනු මැන සිත්සේ
රන්බැද දිස් වෙයි කිරි බුබුළක් සේ
මුතියංගණ සෑ නමදිමු අපි සිත් සේ

දකිනු මැනව මුතියංගණ සෑ අසිරිය(photos)