ආවෙමු අපි මෙහි සෝමාවතියේ.....වදිමු සෑය අපි සෝමාවතියේ.....
ස්වාමීනි භාග්‍යවතුන් වහන්ස ඔබ වහන්සේගේ දකුණු දළදා වහන්සේ වන්දනා කරන්නට බොහෝ දුර බැහැර සිට අපි එනවා... ස්වාමීනි භාග්‍යවතුන් වහන්ස ඔබ වහන්සේගේ මහා පුරිස ලකුණින් විරාජමාන වූ ඔය තඹ පැහැති නිය දරණ සිරිපා යුගල දිගු කල මැනව.ඔබ වහන්සේගේ ශ්‍රාවක දරුවන් වන අප ආදරයෙන් ඔබ වහන්සේ වන්දනා කරමු. ස්වාමීනි මෙ වන්දනාව පිලිගන්නා සෙක්වා...දකුණු දළදා සමිදුනේ මාගේ මෙ වන්දනාව කරුණාවෙන් පිළිගන්නා සේක්වා...........
සාදු! සාදු! බුදු සමිදුන් වදිමි.......
2010.අප්‍රේල් මස 24 වන දින මාතලේ මඩවල උල්පත මහමෙවිනා භාවනා අසපුවෙදී අති පූජනීය කිරිබත්ගොඩ ඤණානන්ද ස්වාමීන්ද්‍රයන් වහන්සේ විසින් පවත්වන ලද සදහම් වැඩසටහන,අභිනව බුදු පිළිම වහන්සේ නිරාවරණය කිරීම හා ආනන්ද බෝධීන් වහන්සේ රෝපනය කිරීම
අභිනව බුදු පිළිම වහන්සේ 
අභිනව බුදු පිළිම වහන්සේ වන්දනා කරන පින්වත් ලොකු ස්වාමින් වහන්සේ
නිවි ගියා මගේ සම්බුදු මිණි පහන
සම්බුදු පියාණෙනි මට බෑ ඉවසන්න
හිතෙනවා ඉකි ගසාලා මට වැලපෙන්න
ඔය සිරි පතුල් යුග සිඹ සිඹ වැතිරෙන්න
මෙ ආනන්දයන් හට අවසර දෙන්න
මින් පසු කාගේ සිවුරුද මා හෝදන්නේ
කාගෙද සිරි පතල් මා දොවා ලන්නේ
දන් පැන් මෙමා කාටද පිළි ගන්වන්නේ
කවුරුද මෙමා හට සදහම් පවසන්නේ......
මුතියංගණ මහා සෑ වන්දනාව 2010
පහන් දහසක් දල්වමින්, මල්, සුවද දුම් ,අෂ්ට පාන, බෞද්ද ධජ ,පළදවමින් මුතියංගන මහා සැ මලුව සුවද පැනින් දොවනය කරමින්, රැය පහන් වන තුරු සිදු කල අසිරිමත් මුතියංගණ මහා සෑ වන්දනාව.........
සන්සුන් සිත් අපහට ඇති වෙන්ටයි
කන්කළු ලෙස බුදු ගුණ පවසන්නයි
රන්වන් රුස් සැයෙන් විහිදෙන්නයි
මුතියංගණ සෑයේ වරුණ අසන්ටයි
බුදු කරුණාවෙන් දෑස තෙමෙන්නේ
මුදු කෝමල සිරි පතුල් තබන්නේ
සුදු බුදු රැස් සිරසින් විහිදෙන්නේ
වෙසක් දිනේ බුදු සමිදු වඩින්නේ
බලනු මැනව ඒ මහා සැ අසිරිය
